असार १३ ,डोल्पा अहिले विश्वभरि महामारीको रुपमा फैलिएको कोरोना भाइरस(कोभिड १९)का कारण नेपालमा पनि हल्का खुकुलो भएता पनि लकडाउन अझै जारी छ । लकडाउनको कारणले नेपालमा पनि सर्वसाधरणहरुको जन जीवन निकै कष्ठकर बन्दै गएको छ । लकडाउनले दैनिक जीवन धान्न कठिन परिहेको वेलामा यो समयलाई सदुपयोग गर्दै जग्दुला गाउँपालिकाका महिलाहरुले भने जीवन उपयोगी ढाँका बुनाइको सीप सिकिरहेका छन । यो सीपले आफ्नो जीवन धान्नका लागि निकै उपयोगी हुनेछ ।
यसैविच डोल्पाको जगदुल्ला गाउँपालिकाको समन्वयमा वडा नं ३ का महिलाहरुलाई सामाजिक दुरी कायम गराउदै ६ जनाको दुई वटा समूह बनाएर जम्मा १२ जनालाई ढाँका सीप बुनाई तालिम संचालन गरिएको हो । यो लकडाउनको वेलामा पनि जीवन उपयोगी सीप प्रदान गरेको आफु खुसी भएको एक सहभागीले बताईन ।
नेपाल सरकार उद्योग , पर्यटन,वन तथा वातावरण मन्त्रालयको प्राविधिक सहयोग,
उपभोक्ता हित संरक्षण कार्यालय डोल्पाको आर्थिक सहयोगमा ग्रामिण परिवेश नेपाल जुम्ला ÷पश्चिम उच्च पहाडी विकास संगठन नेपाल जे.भि .डोल्पाको आयोजना र जग्दुला गाउँपालिकाको समन्वयमा संचालित गरिवी निवारणका लागि लघु उद्धम विकास कार्यक्रम (MED-PA) अन्तर्गत जगदुल्ला गाउँपालिकाको वडा नं ३ का लक्षित समूहलाई ढाँका बुनाई सीप विकास तालिम सञ्चालन गरिएको हो ।
तालिमको मुख्य उद्देश्य गरिव तथा आर्थिक रुपले विपन्न वर्गलाई जीवन उपयोगी तथा आयमूलक सीप सिकाइ स्वरोजगारमुलक बनाई आर्थिक स्तर सुधार गर्ने र जीवन निर्वाहमा टेवा पु–याउने रहेको ग्रामिण परिवेश नेपाल जुम्ला ÷पश्चिम उच्च पहाडी विकास संगठन नेपाल जे.भि .डोल्पाका जिल्ला प्रमुख मानव रोकायाले जानकारी दिएका छन ।
यसरी संचालन गरिएको सीप विकास तालिम निकै जीवन उपयोगी देखिन्छ । स्थानीय निकायको समन्वयमा यस्ता उद्योग तथा सीप विकास कार्यक्रमलाई प्रवद्धन र विस्तार गर्न सके गरिव तथा लक्षित वर्गको जीवन स्तर सुधार हुने देखिन्छ ।