असार २६ , साँस्थागत सामाजिक उत्तरदायित्व कार्यक्रम अन्तर्गत राष्ट्रिय वाणिज्य बैंक डोल्पा शाखाले ठूलीभेरी नगरपालिका वडा नं ३ मा ८० वटा भिटिएम किट हस्तान्तरण गरेको छ ।
विश्व कोरोना भाइरस (कोभिड –१९) को माहामारीको बन्दाबन्दीमा परिरहेको वेला कोरोना परीक्षणका लागि आवश्यक पर्ने ८० थान भिटिएम किट ठुलीभेरी वडा नं ३ का वडाध्यक्ष अर्ण बहादुर न्यौपानेलाई हस्तान्तरण गरेको राष्ट्रिय वाणिज्य बैंक डोल्पा शाखाका प्रबन्धक चुडामणि के.सी.ले जानकारी दिए ।
हालसम्म डोल्पा जिल्लामा ३ वटा कोरोना संक्रमितको पुष्टि भएका छन भने दुई जनाको दुनै आइसोलेसनमा उपचार भएको छ भने एक जना मुड्केचुला गाउँपालिका अन्तर्गत पर्ने त्रिवेणी आइसोलेसनमा उपचार भइरहेको छ । कोरोना पुष्टि भएका सबै पुरुष हुन । सबैको अवस्था सामान्य रहेको स्वास्थ्यकर्मीले जानकारी गरेका छन ।