असोज २७, काठमाडौँ – अफ्रिका कप अफ नेशन फुटबलको छनौट चरणको खेलमा इजिप्टले इस्वातिनीलाई ४–१ ले हराएको छ । शुक्रबार राति भएको खेलमा इजिप्टका लागि मोहम्मद सालहसहितका खेलाडीले गोल गरे ।
२६ वर्षका सालहले पहिलो हाफको अन्तिम तिर कर्नर किक मार्फत सीधै गोल गर्दै टिमको अग्रता ४–० मा पुयार्ए । त्यसअघि नै टिमले तीन गोल गरिसकेको थियो । त्यसपछि चोटग्रस्त भएका सालहले मैदान छोड्न परेको थियो ।
इजिप्टका लागि अहमन एलमोहमदी, अम्र वार्डा र मोहम्मद हसनले पनि गोल गरे । इस्वातिनीका लागि सिबोन्गिखोसी गामेड्जीले एक गोल फर्काए । यसअघि स्वाजिल्याण्डको रुपमा चिनिएको इस्वातिनीले अहिलेसम्म तीन खेलमा एक खेल पनि जितेको छैन ।
