डडेल्धुराबाट डोटी जाँदै गरेको बस दुर्घटना, १५ जनाको मृत्यु

3

मंसिर ६, डडेलधुरा –  डडेल्धुराबाट डोटी जाँदै गरेको बस दुर्घटना हुँदा १५ जनाको मृत्यु भएको छ। से १ च २९३ नम्बरको बस बिहीबार साँझ दुई जिल्लाको सीमानामा पर्ने रडुवा नदीमा दुर्घटनामा परेको हो।

केआईसिंह राजमार्ग अन्तर्गत डडेल्धुराको अमरगढी नगरपालिका– ११ मा पर्ने रडुवा खोलामा स्कुल बस दुर्घटना भएको हो । स्कुल बस भए पनि सर्वसाधारण यात्रु सवार रहेको प्रहरीले बताएको छ ।

मेला भरेर फर्कने क्रममा बस दुर्घटना भएको प्रहरीको भनाइ छ । घाइतेलाई उपचारका लागि उपक्षेत्रीय अस्पताल पठाइएको डडेल्धुराका प्रमुख जिल्ला अधिकारी मोहनराज जोशीले जानकारी दिए । राति भएकाले केही घाइतेको उद्धारमा कठिनाइ भएको प्रहरीको भनाइ छ ।

बस सडकबाट पाँच सय मिटर तल खसेको सुदूरपश्चिम प्रदेशका प्रहरी प्रमुख डीआईजी सुरज केसीले जानकारी दिए। घाइतेलाई उपचारका लागि आसपासका अस्पतालमा पुर्याइएको छ। घटनाको विस्तृत विवरण भने आउन बाँकी छ।

LEAVE A REPLY

Please enter your comment!
Please enter your name here