काठमाडाैँ,डोल्पो फुटवल संघको आयोजनामा काठमाडौंमा फुटवल प्रतियोगिता शुरु भएको छ ।
प्रतियोगिता आइतबारबाट बाँसबारी मैदानमा शुरु भएको हो ।
प्रतियोगिताको उद्घाटन गर्दै अखिल नेपाल खेलकुद संघका अध्यक्ष कर्मा छिरिङ शेर्पाले विकटका जिल्लाहरुमा पनि खेलकुदप्रतिको प्रेम सराहनीय रहेको बताउँदै यसलाइ निरन्तरता दिनुपर्नेमा जोड दिनुभयो ।
दुर्गम जिल्लाहरुमा संघले खेलकुद क्षेत्रमा उलेख्य सहयोग गर्दै आएको बताउँदै अध्यक्ष शेर्पाले आगामि दिनमा पनि सहयोग जारी रहने बताउनु भयो । यस्तै कार्यक्रममा बाेल्दै डाेल्पाेबुद् रानक टुल्कु रिम्वाेचेले खेलकुदले शिक्षा क्षेत्रमा समेत महत्वपुर्ण याेगदान दिने बताउँनु भयाे । डाेल्पाे क्षेत्रकाे खेलकुद विकासका लागि यस्ता किसिमका प्रतियाेगिता महत्वपुर्ण हुने उहाँकाे भनाइ छ ।
दुर्गम जिल्लाको पनि उपल्लो डोल्पा क्षेत्रमा बसोबास गर्ने युवाहरुको टिम बनाएर राजधानीमा प्रतियोगिताको आयोजना गरिएको आयोजकले जनाएको छ । प्रतियोगीतामा ८ पुरुष र ४ महिला टिमबीच प्रतिस्पर्धा हुनेछ । प्रतियोगिताले डोल्पाको खेलकुद विकासमा महत्वपुर्ण योगदान दिने डाेल्पाे खेलकुद संघका अध्यक्ष भुचुङले बताउँनु भयाे । भुचुङका अनुसार प्रतियाेगिता ३ दिन सम्म चल्नेछ ।