कोरोनाको आतंकले विश्व तर्सित भइरहेको छ। विश्वका कैयौं देश हरुमा नाका बन्दीले प्राय सबै मुलुकमा होम क्वारेनटाइनको लागि भन्दै लक डाउन गरेको अवस्था छ। त्यस्तै गरि नेपालमा पनि पछिल्लो समय चैत्र ११ गते देखि एक्कासी देश भर लक डाउन भयो । एक्कासी पुर्व सुचना बिना गरेको लक डाउनले देश भर विभिन्न ठाउँहरु मानिसहरु गाउँ घर फर्किने क्रममा लक डाउनमा परे। त्यस्तै गरि डोल्पालीहरु पनि नेपालगन्जमा लक डाउनमा परे। विशेष गरि बिद्यार्थिहरु, बृद्द, सुत्केरी महिला लगायत सर्व साधारण सहित करिब १०७ जना डोल्पालिहरु नेपालगन्जमा लक डाउन परे। नेपालगन्जको गर्मी , एउटै होटेलमा ३०/४० जनाको बसाइँ र भारतनाका नजिकै भएको कारणले डोल्पालीहरुलाई डोल्पा पुर्याउने लक्ष्यका साथ डोल्पाका युवा पर्यटन ब्यवसाही जग बहादुर बुढाले विशेष पहल गरे। उनकै बिशेष पहल स्वरुप नेपालगन्जबाट १०७ जना डोल्पालीहरु करिब एक रात दुई दिनको यात्रा पश्चात डोल्पा सकुसल डोल्पा पुगेका छन र डोल्पा पुगेकै दिन देखि आआफ्नो स्थानिय तहको ब्यवस्थापनमा डोल्पाको सदरमुकाम दुनैमा क्वारेनटाइनमा बसेका छन।
लकडाउनको बेलायात्रा अविष्मरणीय रहेको कठीनाई त भएको साथै उनले आफ्नो फेसवुकवालमा सहयोग गर्ने सवैलाइ धन्यवाद दिएका छन् ।