धादिङमा टिपर अनियन्त्रित भएर दुर्घटना हुँदा ३ जनाको मृत्यु

असोज २७, धादिङ – धादिङको थाक्रे गाउँपालिका १० मानेडाँडामा टिपर पल्टिदा ३ जनाको मृत्यु भएको छ । थाक्रे गाउँपालिका १० भीमसेनथानबाट गल्छी गाउँपालिकाको चकमके जाँदै गरेको बा ५ प २४१८ नम्बरको टिपर अनियन्त्रित भई शुक्रवार साँझ दुर्घटनामा परेको हो ।

दुर्घटनामा दुई जनाको घटनास्थलमा र १ जनाको उपचारका लागि लैजादै गर्दा बाटोमा नै मृत्यु भएको इलाका प्रहरी कार्यालय खानीखोलाका इन्सपेक्टर उद्धव पोखरेलले जानकारी दिए । दुर्घटनामा तीन जना घाइते भएका छन् । टिपरमा कति जना थिए खुल्न सकेको छैन । घटनाको विस्तृत विवरण आउन बाँकी रहेको प्रहरीले जनाएको छ ।