Join our community of SUBSCRIBERS and be part of the conversation.

To subscribe, simply enter your email address on our website or click the subscribe button below. Don't worry, we respect your privacy and won't spam your inbox. Your information is safe with us.

32,111FollowersFollow
32,214FollowersFollow
11,243FollowersFollow

News

Company:

Thursday, May 22, 2025

विद्यालयबाटै शिक्षक गायब ! परिवार भन्छन्,– ‘कि सास चाहियो कि लास’!

Share

रुकुम (पूर्व) – पुथा उत्तरगङ्गा गाउँपालिकामा रहेको आधारभुत विद्यालय पेल्मा–२ मा अध्यापन गराउनुहुने शिक्षक मखन केसी बेपत्ता भएको झन्डै डेढ महिना भयो । उहाँको अहिलेसम्म अत्तोपत्तो छैन । ‘कि सास चाहियो कि लास’ भन्दै आफन्तजनले बुधबारदेखि सदरमुकाम रुकुमकोटमा आन्दोलनका कार्यक्रम सुरु गरेका छन् ।

बुधबार परिवारजनले जिल्ला प्रशासन कार्यालय, जिल्ला समन्वय समिति र जिल्ला प्रशासन कार्यालयमा पुगेर धर्ना दिएका छन् । वास्तविकता सार्वजनिक र दोषीमाथि कारवाही नभए सम्म धर्ना, अनसन र दबाबका चरणबद्ध कार्यक्रम गरिने उनीहरुले बताएका छन् । सिस्ने गाउँपालिका वडा नं ६ घर भएका शिक्षक मखन केसी गएको २३ वर्षदेखि यो विद्यालयमा पढाउँदै आउनुभएको थियो ।

गएको साउन ३१ गते विद्यालय परिसरमै स्थानीय केही व्यक्तिद्वाारा कुटिएका शिक्षक केसीको स्थानीय मेडिकलमा सामान्य उपचार गरिएको र भदौ १४ गतेदेखि बेपत्ता बनाइएको परिवारको भनाई छ । घटनाको कारण भने अझै खुल्न सकेको छैन । कुटपीटको आरोपमा यही गाउँपालिका–१० का विकास वुढामगर (खीन्टे)लाई प्रहरीले पक्राउ गरेको  र घटनामा संलग्न अन्य दुईजना फरार रहेको प्रहरीले जनाएको छ ।

बेपत्ता भएको खबर पछि दुई पटक खोज्न गए पनि फेला पार्न नसकेको उहाँका दाइ मोहन केसीले बताउनुभयो । बेपत्ता भएको महिना दिन पुग्दासमेत न लास भेटियो न सास, दाजु मोहन के.सी.ले भन्नुभयो – बाध्य भएर आन्दालनमा उत्रिनु पर्यो । सरकारी पेशामा संलग्न व्यक्ति यसरी बेपत्ता हुँदा राज्यले खोजी गर्न चासो नदेखाएको बेपत्ता मखनको श्रीमती तुलसी केसी बताउनुहुन्छ । बेपत्ता शिक्षक केसीका २ छोरी १ छोरा रहेका छन् ।

परिवारले खोज्न जाँदा स्थानीय सरकारले वास्ता नगरेको र उल्टै दोषीलाइ संरक्षण गरेको परिवारको आरोप रहेको छ । पुथा उत्तरगङ्गा गाउँपालिका २ का वडा अध्यक्ष सतसीङ बुढाले केसीको खोजी भैरहेको र यस घटनाले आफू निकै दुखि भएको प्रतिक्रिया दिनुभयो । जिल्ला प्रहरी कार्यालय रुकुम पूर्वका प्रहरी नायब उपरीक्षक लोकनाथ तिम्सिनाले घटनाबारे अनुसन्धान भइरहेको बताउनुभएको छ ।

Read more

Local News